പെട്രോളിനും ഡീസലിനും രണ്ടുരൂപ സെസ് ചുമത്തിയും ഭൂമി ന്യായവില 20% കൂട്ടിയും വരുമാനവർദ്ധനയ്ക്കിറങ്ങിയ സർക്കാർ 20 -21 ൽ നികുതി പിരിവിൽ വാൻ വീഴ്ചവരുത്തിയെന്ന് സി.എ.ജി റിപ്പോർട്ട്. 21, 797 കോടിയാണ് പിരിക്കാനുള്ളത്. കഴിഞ്ഞ 5 വർഷമായി കുടിശിക കിടക്കുന്ന 7100.32 കോടി രൂപയും അതിൽ പെടുന്നു.
എക്‌സൈസ്, രജിസ്‌ട്രേഷൻ തുടങ്ങിയ വകുപ്പുകളുടെ ക്രമക്കേടിലൂടെ കുടിശ്ശികയുടെ ഇരട്ടിയോളം തുക നഷ്ടമാകുന്നെന്ന ഗുരുതര ആരോപണവും റിപ്പോർട്ടിലുണ്ട്. കഴിഞ്ഞ ദിവസം നിയമസഭയിൽ വെച്ച്.കൃത്യമായി വരുമാനം പിരിക്കാൻ അടിയന്തര നടപടിയും കുടിശിക കൈകാര്യം ചെയ്യാൻ ഡാറ്റ സംവിധാനവും ശുപാർശ ചെയ്യുന്നു. കോവിഡ് മൂലം വരുമാനത്തിൽ കുത്തനെ ഇടിവുണ്ടായ വർഷമാണ് 2020 -2021. സ്റ്റാമ്പ് ഡ്യൂട്ടി കണക്കാക്കുമ്പോൾ ഒറിജിനൽ സർവ്വേ നമ്പർ അടിസ്ഥാനമാക്കാതെ ന്യായവില നിശ്ചയിച് സർക്കാരിന് വാൻ നഷ്ടമുണ്ടാക്കുന്നു. പ്രതിവർഷം നാലായിരം കോടിയോളം രൂപയുടെ വരുമാനമുണ്ടാക്കുന്ന വിഭാഗമാണ് ഭൂമി രജിസ്‌ട്രേഷൻ. കാര്യക്ഷമമായ സംവിധാനത്തിലൂടെ ക്രമക്കേടുകൾ തടയണമെന്നും സി.എ.ജി ശുപാർശ ചെയ്തു.